"2012 онд Баян-өлгий аймгийн баяр наадамд 5 даван аймгийн начин, 2014 онд үзүүрлэн аймгийн заан, 2015 онд түрүүлэн аймгийн арслан цолны болзлыг хангаж байв. Улмаар 2020 оны улсын баяр наадамд 5 даван улсын начин цолны болзол хангасан ба түүний 2019 оны улсын баяр наадмын барилдааны амжилтыг үндэслэн 2021 онд улсын өсөх идэр начин цолыг хүртээгээд байна.
"




Нурланы Мустафа /Улсын начин/ #1/1

Naadam100YearsPart3

Монгол улсад 1921 онд ардын хувьсгал ялж түүнээс хойш жил бүр эрийн  гурван наадмыг улс орон даяар зохион байгуулсаар ирсэн. Энэ жил ардын хувьсгал ялсны 100, 101 жилийн ойг давхар тэмдэглэх бөгөөд 100 жилд ганц тохиолдох түүхт ойн НААДАМ тун удахгүй эхлэх гэж байна. 
Манай баг энэхүү наадамд барилдах шилдэг бөхчүүдийн ЦОР ГАНЦ СПОРТ КАРТЫГ NFT болон хэвлэмэл хувилбараар худалдаанд гаргаж байна. 
ХҮЧТЭН NFT-ийг авснаар эзэмшигчдэд бодит карт болон NFT хувилбар 2-уул очихоороо онцлог юм. Спорт карт нь урт хугацаанд сайн чанартай хадгалах тусам үнэ цэн нь нэмэгддэг. 
1. Тухайн бөхийн биет спорт карт 2. 2022 оны наадмын бөхийн барилдааны /Зөвхөн 12-ны өдрийн/ билет - 1ш 3. 2023 оны цагаан сарын бөхийн барилдааны билет-1ш 4. Карт эзэмшсэн тухайн бөхтэйгөө уулзах, танилцах, гарын үсэг зуруулах /2022 оны бөхийн барилдааны улирал эхэлсний дараа/

100 жилийн ойд зориулав (Хэсэг 3)

2007 онд Ховд аймгийн баяр наадамд 5 даван аймгийн начин, 2011 онд Дархан-Уул аймгийн баяр наадамд түрүүлэн аймгийн арслан болжээ. 2013 онд улсын наадамд 6 даван улсын харцага цол хүртсэн. Түүний дараа жил буюу 2014 оны улсын наадамд түрүүлэн улсын арслан, 2018 оны улсын баяр наадамд 9 даван түрүүлэн аварга цол хүртжээ. 2019 оны улсын баяр наадмын амжилтыг үндэслэн 2021 онд улсын даян аварга цолыг нөхөн олгоод байна.

Намсрайжавын  Батсуурь  /Даян аварга/

2012 оны улсын Архангай аймгийн баяр наадамд түрүүлэн аймгийн арслан цол анх хүртсэн. Улмаар 2017 оны улсын баяр наадамд 6 даван улсын харцага, 2020 оны улсын наадамд амжилттай барилдан гарди цолтон болоод байна.

Мягмарын Бадарч /Улсын гарди/

"2018 болон 2019 онуудад Сэлэнгэ аймгийн баяр наадамд түрүүлэн аймгийн хурц арслан цолны болзол хангаж байв. Улмаар 2019 улсын баяр наадамд тунан барилдаж улсын начин цолтон болжээ. 2020 оны улсын баяр наадамд барилдсан түүний амжилтаар 2021 онд улсын харцага цолыг нөхөн олгов. Тэрээр 2022 оны улсын баяр наадмын өмнөх байдлаар хамгийн залуу улсын цолтой бөх юм.
"




Баярсайханы Орхонбаяр /Улсын харцага/

"2007 болон 2009 онуудад Дархан-Уул аймгийн баяр наадамд түрүүлэн аймгийн хурц чимэгтэй арслан 2015 оны улсын баяр наадмын 6-ийн даваанд аймгийн арслан Ч.Ганзоригтой тунан барилдаж улсын харцага цол хүртэв.
"


Бат-Очирын Одгэрэл /Улсын харцага/

2009 онд Дорнод аймгий нбаяр наадамд шөвгөрөн аймгийн начин, 2015 онд бүх цэргий наадамд 5 даван нэмэх чимэг, 2015 онд Дархан-Уул аймгийн баяр наадамд түрүүлэн аймгийн арслан цолтон болж байсан. 2016 оны улсын баяр наадамд улсын начин Л.Цэрэнтогтохоор 6 даван улсын харцага цолыг хүртээд байна. 

Хүрэл-Очирын Гантулга /Улсын харцага/

"Өвөрхангай аймгийн баяр наадамд 2016 онд 6 даван аймгийн харцага, 2017 онд түрүүлэн аймгийн арслан цол хүртэж байв. Улмаар 2019 оны улсын баяр наадамд 5 даван улсын начин цол хүртсэн бөгөөд уг барилдаанд барилдсан түүний амжилтаар 2021 оны улсын харцага цолыг нөхөн олгоод байна.
"



Баянзулын Цэдэнсодном /Улсын харцага/

"Увс аймгийн баяр наадамд 2013 онд 5 даван аймгийн начин, 2014 онд 6 даван аймгийн харцага, 2015 онд түрүүлэн аймгийн арслан цол хүртсэн. 2020 оны улсын баяр наадамд улсын арслан Ц.Содномдоржоор 5 даван улсын начин цолны болзол хангасан ба тухайн барилдааны амжилтаар 2021 онд улсын харцага цолыг нөхөн олгоод байна.
"



Цэдэндоржийн Мөнхбаяр /Улсын харцага/

Нурланы Мустафа /Улсын начин/

"2014 оны бүх цэргийн баяр наадамд аймгийн арслан Ч.Батчулуунаар 6 даван аймгийн харцага цол хүртэн тус ондоо Дундговь аймгийн баяр наадамд түрүүлэн аймгийн арслан цолны болзол хангаж байв. Улмаар 2015 оны улсын баяр наадамд улсын харцага Т.Баасанхүүгээр 5 даван улсын начин цолны болзол хангасан байна.
"



Эрдэнэбатын Даш /Улсын начин/

Төв аймгийн баяр наадамд 2011 онд 5 даван начин, 2012 онд 6 даван аймгийн харцага, 2014 оны түрүүлэн аймгийн арслан цол хүртэв. 2019 онд Налайх дүүрэг болон Төв аймгийн баяр наадмуудад шөвгөрөн чимэг нэмжээ. 2020 оны улсын баяр наадамд 5 даван шөвгөрч улсын начин цол хүртээд байна.

Доржхандын Хүдэрбулга /Улсын начин/

Архангай аймгийн баяр наадамд 2016 болон 2017 онуудад тус бүр 5 даван аймгийн начин цолоо баталсан тэрээр 2019 онд бүх цэргийн баяр наадамд 6 даван цэргийн харцага, Орхон аймгийн баяр наадамд түрүүлэн аймгийн арслан цолны болзол хангав. 2020 оны улсын баяр наадамд улсын аварга С.Мөнхбатаар 5 даван улсын начин цолтон болоод байна.

Оюунбаатарын Мөнх-Эрдэнэ /Улсын начин/

Булган аймгийн баяр наадамд 2013 онд 5 даван аймгийн начин, 2017 онд түрүүлэн аймгийн арслан, 2018 онд шөвгөрч чимэг нэмсэн юм. Улмаар 2020 оны улсын баяр наадамд 5 даван шөвгөрч улсын начин цол хүртээд байна.

Хутагийн Цогтгэрэл /Улсын начин/

Өвөрхангай аймгийн баяр наадамд 2019 онд 6 даван аймгийн харцага, 2020 онд 7 даван үзүүрлэж аймгийн заан цол хүртсэн. 2021-2022 оны улиралд бөхийн өргөөнд зохиогдсон улс аймгийн барилдаанд 3 удаа дунд шөвөг, аймаг цэргийн барилдаан 1 түрүү, 1 үзүүр хүртээд байна.

Цэдэнсодномын Бямба-Отгон /Аймгийн заан/

2013 онд Архангай аймгийн баяр наадамд 5 даван шөвгөрч аймгийн начин цол хүртэв. 2014 онд Өмнөговь, 2015, 2019 онд Архангай, 2020 онд Дорнод аймгийн баяр наадмуудад үзүүрлэн заан цолоо 3 удаа баталсан бөгөөд 2020 оны бүх цэргийн баяр наадамд түрүүлэн цэргийн арслан цол хүртэв.

Лхагвасүрэнгийн Отгонбаатар /Цэргийн арслан/

Завхан аймгийн баяр наадамд 2017 онд 6 даван аймгийн харцага, 2018 онд үзүүрлэн аймгийн заан 2019 онд дахин үзүүрлэн аймгийн заан цолоо баталсан.Улмаар 2021 болон 2022 онуудын бүх цэргийн баяр наадамд дараалан түрүүлж цэргийн хурц арслан цолыг хүртээд байна.

Мөнхтөрийн Лхагвагэрэл /Цэргийн хурц арслан/

2015 онд Булган аймгийн баяр наадамд үзүүрлэн аймгийн заан цол хүртсэн ба 2017 онд аймагтаа тус цолоо баталсан. 2018 онд бүх цэргийн баяр наадамд үзүүрлэн аймгийн заан цолоо 2дахь удаагаа батлав. Тус ондоо Налайх дүүргийн баяр наадамд түрүүлэн аймгийн арслан болсон юм.

Булган-Эрдэнийн Түмэндэмбэрэл /Аймгийн арслан/

Дорноговь аймгийн баяр наадамд 2012 онд 5 даван начин, 2015 онд үзүүрлэн аймгийн заан цол хүртсэн. 2018 онд Говьсүмбэр аймгийн наадамд түрүүлэн аймгийн арслан цол хүртээд байна.