"2013 онд Баянхонгор аймгийн баяр наадамд анх үзүүрлэн аймгийн заан цолтон болж байв. Улмаар 2014, 2016, 2017 онуудын Баянхонгор аймгийн баяр наадамд 3 удаа түрүүлэн хурц бадрангуй чимэгт аймгийн арслан цолны болзол хангаж байв. 2018 оны улсын баяр наадамд аймгийн арслан Д.Цэрэнтогтохтой тунан барилдаж даван улсын харцага цолыг хүртээд байна.
"




Нацагсүрэнгийн Золбоо /Улсын харцага/ #1/1

Naadam100YearsPart2

Монгол улсад 1921 онд ардын хувьсгал ялж түүнээс хойш жил бүр эрийн  гурван наадмыг улс орон даяар зохион байгуулсаар ирсэн. Энэ жил ардын хувьсгал ялсны 100, 101 жилийн ойг давхар тэмдэглэх бөгөөд 100 жилд ганц тохиолдох түүхт ойн НААДАМ тун удахгүй эхлэх гэж байна. 
Манай баг энэхүү наадамд барилдах шилдэг бөхчүүдийн ЦОР ГАНЦ СПОРТ КАРТЫГ NFT болон хэвлэмэл хувилбараар худалдаанд гаргаж байна. 
ХҮЧТЭН NFT-ийг авснаар эзэмшигчдэд бодит карт болон NFT хувилбар 2-уул очихоороо онцлог юм. Спорт карт нь урт хугацаанд сайн чанартай хадгалах тусам үнэ цэн нь нэмэгддэг. 
1. Тухайн бөхийн биет спорт карт 2. 2022 оны наадмын бөхийн барилдааны /Зөвхөн 12-ны өдрийн/ билет - 1ш 3. 2023 оны цагаан сарын бөхийн барилдааны билет-1ш 4. Карт эзэмшсэн тухайн бөхтэйгөө уулзах, танилцах, гарын үсэг зуруулах /2022 оны бөхийн барилдааны улирал эхэлсний дараа/

100 жилийн ойд зориулав (Хэсэг 2)

2003 онд улсын начин цол хүртсэн ба 2006 онд начин цолоо баталжээ. Улмаар 2011 оны улсын баяр наадамд 9 даван үзүүрлэн улсын арслан цол хүртсэн. Тэрээр 2013 оны улсын баяр наадамд түрүүлэн улсын аварга цолтон болсон ба тухайн жилийн цагаан сарын барилдаанд мөн түрүүлсэн.

Гунаажавын Эрхэмбаяр /Улсын аварга/

2008 онд Архангай аймагт түрүүлэн аймгийн арслан, 2010 онд Хэнтий аймагт хурц чимэг хүртсэн. Улмаар 2012 онд улсын начин, 2014 онд улсын начин цолоо баталсан. Тэрээр 2016 оны улсын баяр наадамд 9 даван үзүүрлэн улсын арслан цолтон болсон. 2019 оны цагаан сарын барилдаанд 2 аварга, 1 арслан цолтныг дараалан өвдөг шороодуулан түрүүлсэн.

Рэнцэнбямбын Пүрэвдагва /Улсын арслан/

"Улсын заан 1996 онд аймгийн арслан цол хүртсэн тэрээр 2001 оны улсын баяр наадамд 5 даван улсын начин цол хүртсэн. 2006 онд улсын харцага цол хүртсэн ба тухайн барилдааны амжилтаар 2016 онд улсын заан цолыг нөхөн олгосон. Тэрээр 2000 онд аймгийн арслан цолтой үедээ цагаан сарын барилдаанд амжилттай барилдан үзүүрлэж байв.
"




Цэрэндашдоржийн Магалжав /Улсын заан/

"2012 онд аймгийн начин , 2014 онд аймгийн арслан цол хүртсэн. Улмаар 2016 оны улсын баяр наадамд тунан барилдаж улсын начин цол хүртжээ. 2019 оны улсын баяр наадамд мөн тунан барилдаж улсын харцага цолтон болсон бол тухайн барилдааны амжилтаар түүнд 2021 онд улсын заан цолыг нөхөн олгоод байна.
"

Доржийн Анар /Улсын заан/

2004 онд Говь-Алтай аймгийн баяр наадамд түрүүлэн аймгийн арслан, 2007 онд Сүхбаатар аймгийн баяр наадамд түрүүлэн аймгийн хурц арслан чимэг хүртсэн. Улмаар 2008 оны улсын баяр наадмын 5-ын даваанд тунан барилдаж давсан ба, 6-ийн даваанд улсын арслан Х.Мөнхбаатар, 7-ын даваанд улсын далай аварга Г.Өсөхбаяр нарыг дараалан өвдөг шороодуулан улсын заан цолонд шууд хүрчээ.

Баттулгын Соронзонболд /Улсын заан/

2002 онд Сэлэнгэ аймгийн баяр наадамд түрүүлэн аймгийн арслан цолны болзол хангажээ. Улмаар 2006 оны тэгш ойн жил улсын баяр наадамд 5 даван улсын начин цол хүртэж, 2010 онд тунан барилдаж начин цолоо баталжээ. Тэрээр 2011 онд улсын баяр наадамд 6 даван улсын харцага цол хүртжээ.

Түвдэндоржийн Өсөх-Ирээдүй /Улсын харцага/

Нацагсүрэнгийн Золбоо /Улсын харцага/

"2006 онд Өвөрхангай аймгийн баяр наадамд түрүүлэн аймгийн арслан цолны болзол хангасан. 2008 оны Төв аймгийн баяр наадамд үзүүрлэн, 2010 бүх цэргийн баяр наадамд шөвгөрөн чимэг нэмсэн. 2011 оны улсын баяр наадамд аймгийн арслан А.Отгонбаатартай тунан барилдаж улсын начин цол хүртсэн.
"



Батмөнхийн Сангисүрэн /Улсын начин/

2007 онд Бүх цэргийн баяр наадамд 5 даван цэргийн начин, 2009 онд Төв аймгийн баяр наадамд үзүүрлэн аймгийн заан, 2010 онд Орхон аймгийн баяр наадамд түрүүлэн аймгийн арслан цолны болзол хангаж байв. Улмаар 2011 оны улсын баяр наадамд 5 даван улсын начин цол хүртэв.

Баатарын Амарзаяа /Улсын начин/

"2004 онд аймгийн начин цол хүртээд 2005 онд Говьсүмбэр, 2011 онд Дундговь аймгийн баяр наадамд тус тус түрүүлэн аймгийн хурц арслан цолны болзол хангасан бөгөөд 2013 оны бүх цэргийн баяр наадамд үзүүрлэн чимэг нэмэв. Улсын баяр наадамд 3 удаа 4 давсны дараагаар 2015 онд улсын аварга С.Мөнхбатаар 5 даван шөвгөрч улсын начин цол хүртсэн.
"




Алтангэрэлийн Алтанхуяг /Улсын начин/

"2008 онд Хөвсгөл аймгийн баяр наадамд 6 даван аймгийн харцага, 2011 онд Орхон аймгийн баяр наадамд түрүүлэн аймгийн арслан цолны болзол хангасан. 2011 болон 2014 онуудад Хөвсгөл аймгийн баяр наадамд шөвгөрөн чимэг нэмсэн бөгөөд 2015 онд Орхон аймгийн баяр наадамд түрүүлэн арслан цолоо баталсан. Улмаар 2016 оны улсын баяр наадамд улсын начин Э.Энхбатаар 5 даван начин цол хүртжээ.
"




Бадамсамбуугийн Ганхуяг /Улсын начин/

"2010 онд Булган аймгийн баяр наадамд 5 даван шөвгөрч аймгийн начин, 2011 онд 8 даван түрүүлэн аймгийн арслан цолны болзол хангасан ба 2012, 2015 онуудад шөвгөрөн чимэг нэмжээ. Улмаар 2016 оны улсын баяр наадамд 5 даван шөвгөрч улсын начин цолны болзол хангаад байна. Тэрээр 2018, 2019, 2020 оны улсын баяр наадамд 3 удаа дараалан 4 давсан байна.
"




Дэлгэрсайханы Амарсайхан /Улсын начин/

2012 оны Бүх цэргийн баяр наадамд 6 даван аймгийн харцага, 2013 оны Говь-Алтай аймгийн баяр наадамд түрүүлэн аймгийн арслан цолны болзол хангасан. 2014 болон 2015 онуудын Говь-Алтай аймгийн баяр наадамд шөвгөрөн чимэг нэмээд байсан тэрээр 2017 оны бүх цэргийн баяр наадамд 8 даван түрүүлэн цэргийн хурц арслан болов. Тухайн жилийнхээ улсын баяр наадамд 5 даван шөвгөрч улсын начин цол хүртжээ.




Балганы Хишигбаатар /Улсын начин/

2009 онд Дорноговь аймгийн баяр наадамд 5 даван аймгийн начин, 2011 онд Сүхбаатар аймгийн баяр наадамд 6 даван аймгийн харцага, 2013 онд Говь-Алтай аймгийн баяр наадамд үзүүрлэн аймгийн заан цол хүртсэн. 2015, 2016 онуудад Налайх дүүргийн баяр наадамд түрүүлж аймгийн хурц арслан болсон. Улмаар 2018 оны улсын баяр наадамд улсын арслан Э.Оюунболдоор 5 даван улсын начин цолны болзол хангажээ.

Цогбадрахын Бямба-Очир /Улсын начин/

2007 онд Орхон аймагт үзүүрлэн аймгийн заан, 2011 онд Булган аймгийн баяр наадамд мөн үзүүрлэн аймгийн заан цолоо баталсан. 2012 онд Булган аймгийн баяр наадамд түрүүлэн аймгийн арслан цол хүртжээ. 2018 оны улсын баяр наадамд улсын гарди Б.Гончигдамбаар 5 даван шөвгөрч улсын начин цол хүртжээ.

Дашзэвэгийн Амаржаргал /Улсын начин/

Сэлэнгэ аймгийн баяр наадамд 2013 болон 2015 онуудад тус бүр 5 даван аймгийн нэмэх начин цол хүртсэн. 2017 онд Сэлэнгэ аймагтаа үзүүрлэн заан цол хүртсэн бол 2020, 2021 онуудад дараалан түрүүлж аймгийн хурц арслан болоод байна. Мөн Залуучуудын холбооны 100 жил, МҮБХ-ны 30 жилийн ойн барилдаан 5 даван шөвгөрсөн.

Даваадоржийн Төрболд /Аймгийн хурц арслан/

Дархан-Уул аймгийн баяр наадамд 2019 онд үзүүрлэн аймгийн заан цол хүртэв. 2021 онд зохиогдсон Залуучуудын холбооны 100 жил, МҮБХ-ны 30 жилийн ойн барилдаан 5 даван шөвгөрсөн. 2022 оны цагаан сарын барилдаанд 8 даван түрүүлсэн бөгөөд тус барилдаанд түрүүлж байсан хамгийн бага цолтой бөх юм.